Olling, vertell, vertell...

Söben Strämels up Platt. Ereichnisse, wecker ok nich alle Dach vörkammen. Banniges Gebölk, as Rudi inne Budik mit´mal de Näs so hoch kreech, Bie Öland dat Rauder awreet, Stormflaut inne Düütsche Bucht un orrich wat up de Lumpen geew dat, as de Schwadde Kauh keem. Schikan un Rache bit Läbensgefohr.



Väle Johren hät Harri Anholt tau See fohren. Ierst is hei Hochseefischer worn, dornah is em dat gelung´n, bie de Handelsmarine intaustiegen. Dor makt hei ok sien Kapteinspatent, ´ne Loopbahn as Schippsoffzier füng an. Dor wür´ok´n Droom wohr - fremde Länner, Abenteuer unner Palmen an´n Stran´n. Wiert, ok eis uptauschrieben dat Erläwte.



Väl Fisch un bannich väl Wind! De Büdel schwäwt öwer Deck, ritsch, ratsch ritt Hein Lebohn em up. Dei Fisch klatscht an Deck doch Hein steiht stief un starr - wat is dat - ´ne Min? Eine ut´n Kriech! Doch wat nu?! Dei dörf doch nich irgendwo anstöten! Äwer wur sünd denn blot de annern? Wechloopen, de Öös?